Tíðindi

Bakkafrost Open í inniróðri

Thu, 08 Apr 2010 00:00:00 GMT

Bakkafrost Open í inniróðri verður í Ítróttarhøllini í Runavík leygardagin 10.apríl. 2010 kl. 10.00.

Rógvarir frá FSR fara at luttaka í inniróðri komandi leygardag bæði sum einstaklingar og sum manningar. Tvøroyra báturin verður við í kappingini fyri menn har kappingin sær út til at blíva serð hørð í ár, Firvaldur kvinnur og møguliga dreingir verð eisini við,Vónandi ferð tað at ganga teimun líka gott sum sísta ár, vit bíða spent.

FSR Aðalfundur í nestinum 23. mars kl. 19

Tue, 09 Mar 2010 00:00:00 GMT

Nevndin í Froðbiar sóknarróðararfelag boðar frá, at aðalfundur felagsins 2010 verður í Nestinum Undir Heygnum Tysdagin 23. mars klokkan 19.00

Skrá

1. Val av orðstýrara og fundarskrivara
2. Formansfrágreiðing frá farna ári
3. Góðkenning av roknskapi
4. Innkomin mál
5. Val av nevnd, tiltakslimum og grannskoðara
6. Ymiskt

Fyri nevndarvali hesa ferð standa Bergur Stórhamar. Sum eftir drúgva tíð í nevndini ikki ynskir at hald fram. Tiltakslimir seinasta árið hava verið Joen Petur Jacobsen og Niels Magnussen. Joen Petur tekur ikki við afturvali.

Ein nevndarsessur og ein tiltakssessur eru tí tøkir. Hevur tú huga at verða við til at mynda og styrkja felagið framyvir so er tú vælkomin til at stilla upp til nevndina. FSR hevur brúk fyri øllum góðum kreftum!

Uppskot til Aðalfundin

Skulu vera nevndini í hendi í seinasta lagi 17. Mars 2010. Uppskot kunnu sendast:

við teldubrævi til fsr@frs.fo

við vanligum brævi til FSR - Undir Heygnum - 800 Tvøroyri

ella lastast til onkran av nevndarlimunum

Innkomin uppskot verða kundgjørd á heimasíðuni seinast 19. mars. Annars ber til at koma við uppskotum undir ymiskum á aðalfundinum.

Síggjast í Neystinum.

Vinarliga,
nevndin í Frobiðar Sóknar Róðrarfelag

Nýtt kappróðrarár byrjar

Thu, 11 Feb 2010 00:00:00 GMT

Nýtt kappróðrarár byrjar.

Eftir eitt fantastiskt 2009 við tveimum FM-heitum, so fara vit í hálvt við eitt nýtt kappróðrarár.
So leygardagin 23. januar 2010 kl. 15:00 verður eitt tiltak, har øll, sum eru áhugaði í kappróðri, eru vælkomin. Vit í FSR hava vónir um, at fleiri ung koma at royna tann føroyska tjóðarítróttin. Felagið hevur tvey 5-mannaførð, sum vera brúkt til barna-, gentu-, dreingja og kvinnuróður.
Vit hava vónir um, at manna bæði gentu- og dreingjabarnaróður. Vónir eru eisini um, at tað eru gentur og dreingir, sum eisini eru áhugaði í, at manna ein bát í bólkinum 5-mannafør gentur og 5-mannafør dreingir.

Við barnaróðri skal rógvari fylla millum 12 og 15 ár tað álmanakkaárið, ið róð verður. Tað er, at í 2009 kunnu tey rógva, sum eru fødd í 1994, 1995, 1996 ella 1997. Róðursmaðurin kann tó vera eldri.
Við 5-mannaførum við gentum og dreingjum skal rógvari fylla millum 14 og 18 ár tað álmanakkaárið, ið róð verður. Tað er, at í 2010 kunnu tey rógva, sum eru fødd í 1992, 1993, 1994, 1995 ella 1996. Tó kann róðursmaðurin vera yvir 18 ár.

Um onkur er áhugaður, men ikki kann koma til tiltakið, so kunnu tit senda eini sms-boð til 221198 ella 587538. Skrivast skal aldur og fult navn.

Stór stuðulskonsert 7/11

Tue, 20 Oct 2009 00:00:00 GMT

Leygarkvøldið 7. novembur kl. 20.00 verður rimmar konsert hildin í ítróttarhøllini í Trongisvági. Á konsertini fara fleiri bólkar og einstaklingar úr allari Suðuroynni at framføra.
Fyriskipari er ein stuðulsbólkur aftanfyri FSR. Ágóðin er ætlaður til umbygging av kappróðrarneystinum hjá FSR.

FROÐBIAR SÓKNAR RÓÐRARFELAG fyllir 75 ár

Thu, 24 Sep 2009 11:55:00 GMT

FROÐBIAR SÓKNAR RÓÐRARFELAG fyllir 75 ár

Tvær reisir ljómaði Tvøroyrarsangurin síðsta leygardag, og 25. juli verður FSR 75 ár.

Bátarnir hjá FSR megnaðu á varmakeldu at vinna tvífaldan sigur, og tað er fyri aðru ferð í ár. Hjá Firvaldi við gentum var eingin ivi, tær løgdu seg á odda tíðliga í róðrinum og førdu allan teinin líka inn á mál. Hjá 6-mannafarinum Tvørabátinum gekk eitt sindur øðrvísi. Frá einum 3. plássi settu teir í ein endaspurt, sum eingin fyrr makan hevði sæð, og skúmaðu teir fyrstir inn um málstrikuna við einari øgiligari ferð. Teir settu nýtt varmakeldumet! Tað sigur okum, hvussu sterkir og væl fyri rógvararnir hjá FSR eru í ár. Hjartaliga tillukku við sigrunum!

Gleðina við at vinna ein róður, er nakað, sum tú livir leingi uppá. Ta kensluna unna okur so væl róðrafólkinum hjá FSR. Og hjá øllum gomlum róðrarfólki vakna aftur flógvar og góðar kenslur, og tað er næstan líkamikið, hvussu úrslitini hyldnaðust á sinni.

Kappróðrarbáturin “Suðringur” var bygdur í 1933. Við honum var mangur sigurin rógvin í hús. Á jóansøkuni á Tvøroyri í ár luttók hann eisini í kappróðrinum, 76 ára gamalur og við fyrrverandi kapprógvarum við árarnar. Hetta var ein sera hugalig sjón og eitt gott tiltak. Tað er flott, at felagið hevur varðveitt bátin, hetta søguliga og stolta far! Og man hann ikki vera elsti kappróðrarbátur innan 10-mannafør í Føroyum?

Kappróðrarfelagið FSR var stovnað 25. juli 1934. Teir, sum stovnaðu felagið, vóru Thomas Michal Jacobsen, Andreas(Dias) Nolsøe og Johan(Mann) Larsen. Teir vóru allir tríggir skómakarar. Limagjaldið var 1 kr. árliga! Hesir somu menn høvdu latið “Suðring” byggja árið fyri.

Froðbiar Sóknar Kappróðrarfelag skipar fyri rimmar veitslu

Thu, 24 Sep 2009 00:00:00 GMT

Froðbiar Sóknar Kappróðrarfelag skipar fyri rimmar veitslu 26. sept. í ítróttarhøllini í Trongisvági. Tvørabáturin við monnum og Firvaldur við gentum vórðu Føroyameistarar í ár, og harafturat fylti felagið 75 ár tann 25. juli. So rættiliga nógv er at hátíðarhalda!

Fyrireikararnir vóna, at nógv viðhaldsfólk hjá felagnum og nógvir ungir sum gamlir kapprógvarar fara at møtast. Úrslitini hava verið so einanstandandi góð í ár, so veitslan kann ikki annað enn hepnast væl. Okur fara at heiðra okra rógvarum og gleðast um árið, ið fór. Men eisini at minnast aftur á onkra góða gamla løtu í søgu felagsins.

Veitslan byrjar kl. 19.00.Borðhald verður við góðum mati og undirhaldi. Jonhild og 005 fara at spæla til dansin.

Atgongumerki kunnu bíleggjast á tlf.nr. 214717 - 587538 - 372082
Kostnaðurin er 250, - kr. Gjaldast skal á konto 6460-4346078 og gjaldsfreist er mánadagin 21. sept.

Miðvíst arbeiði lønar seg

Fri, 31 Jul 2009 11:25:00 GMT

Bjarni Hammer: Miðvíst arbeiði lønar seg

Árið hevur verið sermerkt, og úrslitið einastandandi.

Firvaldur vann FM – enntá fyri fyrstu fer í genturógving. Tvørabáturin vann FM, og er hetta fyrsta FM fyri menn síðan 1973 hjá Froðbiar Sóknar Róðrarfelag.

Firvaldur við kvinnumanning hevur vunnið FM heitið fýra ferðir síðan 1973, seinast í 1989. Her skal skoytast uppí, at í 2005, bleiv 5-mannafarsróðurin býttir í gentu- og kvinnuróður. Dreingjamanningin á Firvaldi vann FM í1977. 1973 er árið, tá kappróður bleiv skipaður eftir núverandi leisti.

Bjarni Hammer, ið er bátsformaður á Tvørabátinum, sigur, at úrslitið, ið Froðbiar Sóknar Róðrarfelag hevur uppnátt í ár, bert kann fáast til høldar við miðvísum og hørðum arbeiði.

Teir á Tvørabátinum eru, saman við manningini á Firvaldi, sera fegin um, at úrslitið lagaði seg soleiðis, og Bjarni Hammer fegnast serliga um, at ikki bert sigraði Tvørabáturin á ólavsøku, teir tóku eisini væl og virðiliga gamla ólavsøkumetið.

Sum fyrr umrøtt á Suðuroyarportalinum, so verður heiðurskoyring og móttøka í kvøld í høllini í Trongisvági, og fylgir Suðuroyarportalurin heiðringini av róðrarfólkunum hjá Froðbiar Sóknar Róðrarfelag.

FSR eitt aktivt felag

Thu, 30 Jul 2009 15:00:00 GMT

Róðrarfelagið á Tvøroyri er karmur um rógving hjá bæði ungum og eldri. Okkara mál er skapa umstøður, soleiðis at ung fáa møguleikan at royna seg í ítrótti og vera partur í einum góðum sosialum umhvørvið, sum kann menna tey í ítrótt og geva teimun eitt gott støði at standa á á teirra lívsleið. Tilkomnu rógvararnir skulu hava møguleika fyri at vera við í fremstu røð innan rógving, hetta má verða okkara mál, soleiðis at teir kunna verða fyrimyndir fyri komandi rógvarar og vera tað støði av vitan, sum skal bera felagi fram yvir.

Felagið heldur til í hugnaligu hølunum við Tvøroyrafjørð, kanska ikki stór, men har er hugni, lív og venjingaramboð, sum nútíðin krevur.

Felagið hevur 4 bátar sum verða brúktir dagliga. Flaggskipi er 6-mannafarið Tvørabáturin, sum hevur ligið í fremstu røð síðstu árini og sum vantandi eisini fer at gera um seg í ár. Firvaldur er mannaður við bæði gentum og dreingjum. Genturnar eru við fyri triðja ár á rað, so vónandi fer tað at ganga teimum væl í ár. Dreingirnar eru nýggir í ár, men hugagóðir og sterkir, so vit vóna tað besta. 5-mannafarið Hulda er manna við bæði gentum og dreingjum til barnaróður, vit gleðast um at tey eru við, og onkur sigur er komin innan barnaróðrinum síðstu árini, so hví ikki aftur í ár.

Suðringur er eisini at síggja av og á, og vónandi verður hann við á Jóansøku. Hann er mannaður við fortíðar garpum, sum enn nýta gleðina við rørslu og samanhaldi.

Felagið hevur 7 rógvumaskinir har av 4 eru av nýggjasta slagnum, sum vit júst hava fingið frá virkjum og kommuni á Tvøroyri, hesar vera nógv brúktar alt árið bæði av ungum og gomlum. Hetta er venjingarháttur, sum umfatar allan kroppin og sum samstundis fer væl við kroppinum. Møguleiki er eisini fyri at venja fleiri saman, tá er tað stuttligari og lættari at takað seg saman. Eisini eru vektir, spinningssúkklur og venjingarbenkir til taks.

FSR skal verða eitt tilboð til okkara ungdóm. Teldir og sjónvarp takað alt ov nógv av tíð, tí er tað avgerðandi at ítróttarfeløgini hava eitt breitt útboð av tilboðum til tey ungu, soleiðis at tey hava møguleikan fyri at kunna røra seg og kenna gleðina í rørsluni. Hesa sannroynd er vit øll vitandi um og kenna ábyrgd fyri okkara ungu, hetta síggja vit aftur í tí stuðlið, sum felagið fær frá fólki, virkjum, kommunum og via køkutombula, bingo og onnur tiltøk vit skipa fyri. Tit skulu vita at hvør króna skapar meira gleði og ger meira nyttu enn tit halda. Uttan um felagið eru nógv fólk sum við stórum vælvilja altíð eru til reiðar at geva eina hjálpandi hond, uttan hesi var onki felag og vit siga teimum stóra tøkk.

Hetjurnar til Suðuroyar tórsdagin

Tue, 28 Jul 2009 19:35:00 GMT

Manningarnar á Tvørabátinum og Firvaldi fara nú at halda ólavsøku og rokna við at koma til Suðuroyar tórsdagin.

Róðrarkappingarárið er at enda komið, og føroyameistararnir í Tvørabátinum og Firvaldi fara nú at halda ólavsøku og gleðast saman við stoltum suðuroyingum eftir eitt óvanliga hart róðrarár.

Tóra Jacobsen, forkvinna á Firvaldi, sigur við Suðuroyarportalin í kvøld, at manningarnar eru ovurfegnar um úrslitini í dag, og biður okkum heilsa øllum suðuroyingum og takka teimum fyri tann stuðul, sum tey bæði á ein og annan hátt hava veitt teimum.

Tóra Jacobsen roknar við, at manningarnar koma til Suðuroyar aftur tórsdagin.

Nýggjur sangur ognaður Froðbiar Sóknar Róðrarfelag

Tue, 28 Jul 2009 16:05:00 GMT

Nú fólk bíða í spenningi eftir, hvussu gangast skal Firvaldi og Tvørabátinum, er nýggjur sangur ognaður øllum bátunum hjá Froðbiar Sóknar Róðrarfelag.

Tað eru fólk úr allari oynni, ið hava tikið saman at gera eina nýggja kvøðu til ídnu róðrarfólkini.

Dagfinn Olsen hevur gjørt lag og tekst, og spælir eisini kassaguitar. Árni Joensen og Knút Nielsen hava staðið fyri upptøkuni og spæla fleri av ljóðførunum. Hjalmar Magnussen spælir sologuitar og syngur kór. Jonhild Nielsen syngur.

Lagið kann nú hoyrast á MySpace, við at trýsta her: www.myspace.com/icast1

Tvørabáturin suverenur

Sat, 11 Jul 2009 20:25:00 GMT

Á Vestanstevnu í dag prógvaðu teir á Tvørabátinum við manér, at teir eru besta 6-mannafarsmanningin í ár.
Í stórum stíli var sjógvur lagdur millum Tvørabátin og bæði Riddaran og Sundabátin (Smyril endaði nr. 5). Stóri spenningurin er nú um Ólavsøkuna, har FM-vinnarin skal finnast.

Firvaldur nr. 2.
Genturnar á Firvaldi vunnu seg eftir trilvandi byrjan fram á 2. plássi. Og er sostatt onki avgjørt hvat FM-viðvíkur hjá 5. mannaførum við gentum.

Royndin Fríða nr. 4.
Hjá dreingjunum endaði Royndin Friða nr. 4, meðan Firvaldur endaði á 10. plássi.